特區政府向立會吹和風僅個多月，梁班子又因10億一帶一路獎學基金要在7月硬闖財委會辣㷫泛民及建制議員。有立會議員指，教育局長吳克儉向財委會主席陳健波事先透露獎學基金要在現屆立會會期通過，陳繼而向傳媒公佈，極不尋常，不排除政府內部甚至立會建制派想與事件劃清界線，「唔想同梁振英孭呢隻鑊」。
有立會議員指財會議程一向由財經事務及庫務局負責，若要調動財會議程，正常做法是由財庫局通知財會，若涉及有爭議議題須改動議程，就算司局長私下提早通知財委會主席，也鮮有人事先「爆響口」，今次一帶一路獎學基金撥款仍未正式排上財委會議程，陳卻事先張揚，令泛民、建制議員提早發炮反對，似乎極不尋常。
該議員分析，從政務司司長林鄭月娥結束訪美行程返港後回應事件時強調，安排一帶一路獎學基金在財委會議程次序時，要聽取議員意見，可知道要趕在7月通過撥款非林鄭想法，「好明顯佢係唔支持」，而陳健波在政府未提交文件前「爆響口」，明顯想將這個燙手山芋交回吳克儉，不想為政府孭鑊，而令吳要如此趕急通過撥款，唯一解釋是吳收到來自梁振英指示。
有官場中人指，吳出名對特首極聽話，吳在人前人後也不時誇耀特首對他如何重視，「最鍾意講特首成日搵佢」，所以有立法會議員相信，不排除政府高層也對一帶一路獎學基金硬闖財會有保留，「你梁振英堅持要做，咪等佢搵愛將吳得掂去搞，好啦，𠵱家搞到泛民建制一齊反對，咪睇你梁振英點收科，唔同你孭呢隻鑊」。
季陶
周一、三、五刊出