【本報訊】有疑受「娛圈千后」詐騙的受害人曾報警，但警方卻以涉案女子曾償還部份金錢及可以聯絡到她，不涉刑事成份為由，只作備案。有法律界人士指，以虛假事實欺騙致受害人有損失，已構成欺騙罪，警方需跟進調查。
本身是律師的民主黨立法會議員涂謹申指出，根據法例規定，若以虛假事實欺騙受害人，令受害人有損失，已構成欺騙罪，「法例冇假定有繼續還錢、又冇走佬，就係冇刑事成份」。他指出，若警方研判案件無刑事成份，雖然市民不能上訴要求警方調查案件，但市民可以書面報案，向警方以書面詳細交代受騙詳情，警方就必須以書面形式回覆，「如果搵律師去撰寫，就更加有說服力向警方施壓去調查」。
涉多名受害人應跟進
有資深警員稱，研判案件是否有刑事成份需考慮很多因素，「如果對方只係冇兌現到當初承諾，但又搵到佢，佢又還部份錢，冇明顯罪案證據，警方可能會當係商業糾紛」。但他指若涉及多名受害人，警方一定會跟進，「如果接連有受害人報警，再唔係單一個案，警方就有理由懷疑有人涉嫌意圖犯案，咁就一定會調查」。
■記者謝明明