現年27歲嘅韓國女團EXID隊長率智，2006年時係女子組合2NB成員，直到2012年先正式加入EXID。早前有網民公開返率智喺2NB時嘅舊照，指佢唔同晒樣，疑似整過容。公開嘅照片係率智於2006年以2NB成員活動時嘅舊照，當時佢留有一頭黑色短髮，有啲包包臉，粉色系嘅眼影同眼線顯得對眼細咗，不過淡妝就令佢望落清純好多，跟現時嘅橙色長髮造型好唔同。不過亦有粉絲力撐率智冇整容，只係化妝同髮型唔同咗，加上成功減肥，當然成個人唔同咗啦。