琳琳BB全名係方詠琳（Jessie），平時係一個part time模特兒，又係女子乙組籃球隊悠悠成員，佢話：「最鍾意打波，雖然健身都有，不過籃球刺激啲，特別鍾意射三分，得閒都會打街波，多數會去維園同花墟打波，同男仔打都有喎。」鍾意籃球，當然識NBA，講起常規賽MVP勇士射手居里，佢話：「因為居里，𠵱家差唔多整個籃壇都射三分，以前冇咁多，𠵱家係三分波天下。」本地籃球方面，琳琳就欣賞潘志豪：「夠全面，控球、三分、上籃樣樣得。」