Lancôme事件由割席拒認代言人開始，至取消音樂會，一直發酵，港人不滿、杯葛、示威、關門不做生意、抽水、國際傳媒關注、內地網民反杯葛、人大發聲……
紛紛擾擾，可事到如今，你說捧紅了哪位，是誰人最後乘着東風越走風頭越勁，一個唔該成為歐美媒體、香港年輕人簇擁歌頌的民主女歌神？
單單這一結果，就好應叫一些重量級宣傳機器好好反思，到底你知唔知幾時應先下手為強，幾時又應避免小題大做，可知無厘頭用AK47打烏蠅，等如間接成全了你的對手？可有想過，你每做一單（罄竹難書，豈用細表），便喪失一些支持，拉遠你和你民眾的距離，長此以往，你還有多少老本可蝕？
說回事件本身，品牌由割席開始招惹民憤，打後幾乎每步棋都行錯，過去一星期已有無數論述，大概已夠各大品牌從中好好吸取教訓。
其實要到危機發生才補鑊，真的已經太遲，既然江湖咁險惡，點解唔係三思而後行呢？到底你選擇某某明星名人做合作夥伴前，有沒有做足due diligence，不獨政治取向，他或她的形象、氣質有幾配合你品牌和你的目標市場，最近人氣高企否，有沒有負面新聞纏身，有沒有為最壞打算做足scenario planning？事實上，你查人，人查你，唔係有錢一定接，人家答應做，一樣會查清閣下產品會否出事連累佢，公平交易箒。所以話：無咁大個頭，咪戴咁大頂帽。身虛體弱受不起，唔該唔好亂食補藥，這個道理不難明。
網絡是個江湖地，有黎明之空前成功，也會出現Lancôme的大笑話，奉勸各路行家步步為營，且戰且學。
彭瑪莉
mailto:[email protected]