認識馬志堅師傅數年了， 73歲的他，練武六十年，現在一星期兩次在鰂魚涌公園，免費教人練迷蹤拳。馬師傅是北少林迷蹤拳第七代傳人，先師為霍元甲大俠，2009年曾獲「世界功夫武術段位制總會」頒發終身成就奬；而去年2015年，也以世界功夫武術段位制總會主席的身份，獲頒發第十四屆世界傑出華人獎，與世界100位頂尖青年發明家楊培東一起領獎。
長期病患、骨痛的、精神緊張的，晨早跟他練武，個個都驚嘆武術回春力量神奇，得閒耍兩招強身健體毛病盡消。我同攝影師一個長期揹重物，一個低頭打稿玩手機搞到頸梗膊痛，按摩稍為大力都喊痛，師傅話練功幫到我哋。
但係……晨早7點集合練功真係好大挑戰喎！他說：「我教你一套功法，只需一個馬步位，喺辦公室自己個位都耍得！」即席傳授我們迷蹤派的「內壯羅漢功」！一套五式，每式左右各做八次，持之以恒， 可以紓緩肩胛不適，也練到腰椎、腰骨的轉動，強化筋絡。
內壯羅漢功第一式：左右抛拳理筋絡
1.首先前腳屈曲，後腳伸直，擺出弓步。
2.屈曲左腳的話，就先以右手，手臂用力打個上鈎拳。
3.然後手臂往後打兩個圈。
4.保持弓步，轉身，此時右腳在前，左手打出上鈎拳。
5.注意整套動作，以及轉身時，腰都得挺直。
記者：陳慧敏
攝影：徐振國
想輕輕鬆鬆健康?，記住留意健康蘋台
http://health.appledaily.com.hk/