內地第二大機場、上海浦東國際機場的離境大堂前日發生爆炸，現場一片混亂，剛出席完上海電影節的眾星陸續返港。周潤發夫婦昨午4時多由上海抵港，問到發哥上海機場的保安情況，他說：「冇乜嘢，唔擔心，原本想噚日返，但上海好大雨，香港又黃色暴雨警告，所以delay一日。」機場發生爆炸時，發哥表示正在酒店休息。
四太叫小心
由於爆炸事件，上海機場昨日安檢額外嚴謹。陳靜（DaDa）因多逗留一天探外婆，故改期昨日由上海返港，臨上機前在電話中說：「今日保安好嚴密，我件行李要檢查，過海關都要問多兩句，同check清楚隨身物品，好彩今日人流唔多，係安全嘅。」
李克勤和梁詠琪（GiGi）昨分別到上海，克勤原來去上海迪士尼，而GiGi昨晚則出席微博電影之夜，更與周迅等行紅地毯。何家四房公子何猷君昨午由英國返港，馬上轉飛上海傾生意，他不擔心機場爆炸事件：「唔驚，好少事，唔係咁傷到人箒，媽咪有叫我小心。」猷君日前為胞妹超欣慶祝生日時送上戒指，並同時留言向妹妹的追求者宣示主權，猷君說：「我講吓箒。」問他會否管制妹妹認識男友？他說：「最緊要錫我妹妹。」
機場安檢嚴
此外，鄧紫棋（G.E.M.）昨由武漢工作完返港，她現身機場時透露武漢機場安檢都嚴格：「我個袋有支橄欖油，都要我開嚟畀佢哋睇，對液體好謹慎。」G.E.M.看新聞知道上海機場前日發生爆炸，經常往返內地的她會否擔心？G.E.M.說：「意外嘅嘢擔心唔嚟。」G.E.M.前日在facebook貼出短片，她身處私家車前座卻在沒有戴安全帶的情況下吃南瓜，非常危險，完全是反面教材。
採訪：卓寶花、楊定
攝影：仇志德