相信每個人都試過，明明吃完飯沒多久但又會感覺到肚餓，變相就越食越多，但根據外國營養師指出，原來可能係大腦發出錯誤提示，以下有五個食完又餓嘅原因：
1. 食過量的精製食物
平日飲食很容易會接觸到精製食物，如白米、白麵包等，這類食物所含的葡萄糖容易被身體吸收，當葡萄糖被完全分解後，因而會出現肚餓的情況。
要避免出現這個情況，可選擇能讓身體慢慢吸收的五殼類食物，如糙米、番薯等；肉類剛可選擇雞肉或魚類，這類食物讓身體較慢吸收葡萄糖，因而不會出現食飽無耐又肚餓的情況。
2. 睡眠時間不足
身體內有種名為leptin的荷爾蒙，是負責抑制食慾，但當睡眠不足時leptin便會減低；相反另一種名為ghrelin的荷爾蒙便會上升，它會令人感到更肚餓。唔想食咁多的話，早少少瞓覺喇！
3. 缺乏水份消化食物
水份是身體消化系統的重要原素，如果缺乏了便無法進行消化，因而大腦便會發出錯誤提示，提示需要食物。下次感到肚餓時可試下飲杯水，可能即刻飽曬。
4. 一份食物兩份食
唔係話你Share一半嘢食畀人食所以肚餓，而是說孕婦。因為媽媽進食的東西，肚內的BB也會一起吃，自然孕婦便會比其他人更容易肚餓。
5. 女性生理期
女性生理期後，身體需要比平常更多的食物，原因是要補充在經期所流失的養分。
記者：容逸富
資料來源：dailymail
想輕輕鬆鬆健康?，記住留意健康蘋台
http://health.appledaily.com.hk/