【本報訊】功能組別選民登記制度經常被轟不公平，身為界別成員的香港電視前編導蔡錦源指，現行制度只有指定公司或組織會員可成為選民，剝奪演藝界從業員投票權，他從事演藝界多年卻「一票都冇」，遂與多名演藝圈人士成立9個文化團體，爭取投票機會，希望踢走現屆議員馬逢國。
「喺演藝界咁多年一票都冇」
以蔡錦源名下物業地址登記的文化界選民共有9個，包括資訊短片文化協會、非主流電視製作協會及電視文化水平關注組等。蔡指，功能界別中的體育、演藝及出版界均設會員登記制，只有指定公司或組織會員可成為選民，「我喺演藝界做咗咁多年，都係一票都冇」。
蔡續指文化界的要求較寬鬆，有意者只需註冊成立社團，在會章列明團體意旨為推廣文化，並獲得政府資助，便可登記為界別選民。他指早前成立團體後，以推廣電視文化名義租用康文署場地辦講座，成功申請資助，「好簡單，只需要填form……你話荒唔荒謬？」
他強調9個團體由不同演藝圈人士負責，由他負責統籌申請，故以其住宅單位登記。但他重申功能組別「根本唔應該存在」，指其行動旨在踢走現屆議員馬逢國，「要用咁嘅方法先可以投票，係非常不幸」，稱只希望可以投票予支持民主的候選人。
本身屬電影導演的香港演藝學院電影電視學院院長舒琪亦指，現有功能組別制度荒謬，他說從事演藝界多年，至今仍無法登記為此界別選民，「做選民要入會先得，門檻好高，好多演藝界都只係個體戶，大部份創作人或者表演者都做唔到選民，阮兆輝做咗粵劇咁多年都登記唔到啦，但同時『自己友』又好容易登記到」。
■記者梁御和