哥倫比亞「玩嘢玩出禍」！美洲盃上周六進行A組最後一輪分組賽，賽前已經肯定出線的哥倫比亞，收起占士洛迪古斯等主力，結果以2:3不敵哥斯達黎加，被同日擊敗巴拉圭的美國，搶去首名出線機會，八強淘汰賽極大機會要硬拼巴西。
哥倫比亞頭兩場分組賽已經連勝美國及巴拉圭，提早出線，由於美國擊敗巴拉圭，哥斯達黎加賽前已經得悉出局，不過卻無損鬥志。相反哥倫比亞教練比克文，收起了皇馬中場占士洛迪古斯、阿仙奴門將奧斯賓拿等主力，結果僅兩分鐘，哥斯達黎加中場祖漢雲尼加斯已先開紀錄，就算哥倫比亞一度追平，但法蘭法巴擺烏龍，加上哥斯達黎加中場施素波格斯下半場建功，哥倫比亞落後至1:3。比克文就算下半場換入占士洛迪古斯、古達度等攻擊主力，也只能靠前鋒馬路斯摩蘭奴73分鐘入球，追成2:3，最終輸波收場。僅以A組次名出線，哥倫比亞在八強淘汰賽料面對B組大熱巴西。
美國憑得失球首名出線
同日較早時間，美國憑丹普西一箭定江山，1:0擊敗巴拉圭，兩戰得六分，以較佳得失球壓過哥倫比亞首名出線，但後衞耶迪連下半場被逐，八強戰需停賽。文︰牽牛