幾乎每個BB出世後，都會收到一大堆由各方親友送來的衣服，但奈何BB大得快，啲衫好快就唔啱着，捐出去未必捨得，但放喺屋企又冇用，有冇諗過不如將舊衫改頭換面，縫成一隻獨一無二的布公仔呢？外國網店Lonely Oak Arts就提供將BB舊衫縫成公仔的服務，客人只要將舊衫寄到網店，只需二至四個星期，就可以製成不同的布公仔，熊仔、烏龜、獅子、老虎，乜都得，個樣仲幾得意，價錢約250港元起（不連運費），有興趣的父母可以考慮一下，當作留個紀念。
記者：黃子配
