求驗客手記︰美斯復出極速「戴帽」

求驗客手記︰
美斯復出極速「戴帽」

歐國盃開咗波,呢邊美洲盃嘅受注目程度難免減低,美斯就喺呢個時候出嚟吸引番大家注意。上周五D組賽事阿根廷對巴拿馬,由奧達文迪開紀錄,但之後形勢膠着,直到美斯喺下半場入替,大約上陣半個鐘就入咗三粒,由阿古路埋齋大勝5:0,兩戰全勝提早出線。美斯心情靚,有位着巴塞波衫球迷衝入球場,佢都同對方攬攬。另一場D組賽事,智利由維達爾梅開二度,以2:1贏玻利維亞;會同巴拿馬爭另一出線權。