各支英超球會喺上周五宣佈陣中不獲續約嘅離隊球員名單，其中曼聯嘅西班牙門將域陀華迪斯喺上年一月加盟，只係代表過紅魔兩次，連同歷克包維被放棄；其他變成自由身嘅出名球員仲有利物浦嘅高路托尼、阿仙奴嘅路斯基、法米尼同阿迪達，另外曼城嘅迪米捷利斯同埋水晶宮嘅艾迪巴約有喺名單內。呢班英超棄將，砌個11人陣容唔打得都睇得，其他球會不妨考慮吓，至少可以慳咗筆轉會費。