日前西班牙傳媒報道，有一名女子指控西班牙國家隊門將迪基亞喺2012年，安排隊友艾斯高同蒙尼恩性侵犯佢。迪基亞喺前日開記招，否認涉案，仲話已經將呢單嘢交咗畀律師處理。佢仲強調，自己家陣努力訓練，會為國家隊參加歐國盃。而西軍教頭迪保斯基亦話從來冇諗過要開除迪基亞，完全相信呢位25歲嘅曼聯門將。不過，西班牙《阿斯報》喺上周六就披露咗迪基亞同涉案女子嘅短訊內容，但未知真假。
