【本報訊】腦創傷病人的頭骨遲遲未放回原位，嚴重阻礙日常生活。港大腦內科教授張德輝指，當病人腦受創致瘀血，移走頭骨有助減輕腦部壓力，瘀血約3至6個月便會消失，屆時就適合進行頭骨重置手術。
醫生：等逾3月不理想
張德輝認為輪候手術時間超過2至3個月並不理想，但實際上要視乎當局資源，包括醫護人手、手術室數目。
張德輝稱病人能否做手術放回頭骨，須視乎病情是否穩定，「腦部止血未？腦壓高唔高、仲有冇腫脹？要睇埋腦部掃描結果，要復原先可以做到。呢個手術可以幫病人帶來方便，但唔會影響腦功能或構成生命危險，所以唔係緊急手術」。
私人執業的神經外科專科醫生梁顯信指，腦創傷病人的頭骨，取出後不會保存太久，一般只有半年，否則會變壞。若病人輪候做手術的時間太長，多會改用石膏製造的人造骨。而頭骨凹陷病人外出，要佩戴頭盔作保護，避免因跌倒意外致腦部受傷。
梁補充，醫院一般會為康復程度較快的病人優先做重置頭骨手術。惟此手術不是緊急手術，院方多數會彈性處理，視乎每間醫院的工作量及人手。臨床上的腦科緊急手術包括腦癌、腦積水、血管動脈瘤等等。
■記者梁麗兒