岑麗香（右）、薛家燕與張致恆等昨日於新城電台接受訪問，提到由他們主持的生活資訊節目《乜都攪掂晒》，似足當年亞視的《開心大發現》，有炒冷飯之嫌，家燕姐說：「啲人對節目好有興趣可惜放喺亞視，我哋將啲嘢創新，好似教人煮飯，𠵱家嘅飯煲已經唔同以前。」而香香則有意推薦男友強強的弟弟參選港男：「本來想叫強強參加，但咁多女仔望我諗都係唔好。不過我都想幫佢報名，贏咗的話提名人有獎。」