為了紀念Beyond主音黃家駒54歲忌辰，前晚灣仔會展舉行《家駒…愛心延續演唱會2016》，主辦單位負責人葉世榮請來歌手梁詠琪（GiGi）、周啟生、草蜢、太極、Kolor、盧巧音、ZolarWind、鄧健泓、林曉培，還有黃貫中（Paul）和88年離隊的劉志遠。
由周啟生打頭陣，GiGi獨唱《冷雨夜》，之後跟譚芷昀（Celine）合唱《真的愛你》。G.E.M穿上性感小背心唱出高八度的《情人》和《喜歡你》。全晚高潮位一定是世榮和Paul壓軸表演，世榮感謝現場的善長仁翁，並高呼：「我哋係最勁嘅！」兩兄弟一口氣唱出5首歌《金屬狂人》、《灰色軌跡》、《再見理想》、《光輝歲月》和《海闊天空》，其間前成員劉志遠（遠仔）和前監製Gordon合體唱出《再見理想》，世榮感觸說：「過去一年有呢個諗法，有好多困難，不過我會堅持，我有信心唔會怕困難！」獲得全場掌聲，世榮更號召在場的歌迷一齊向家駒說：「生日快樂。」當世榮和Paul唱出《海闊天空》將全晚帶到頂峯，台下歌迷全部站起來，舉起和平手勢大合唱。
「希望出年繼續做」
完騷後，世榮和Paul一齊接受訪問，被問到獨欠家強可有遺憾？Paul表情欠奉，世榮說：「我多少都會覺得有啲，但佢之前已經講咗今晚有嘢做，我之前一直都希望有奇蹟出現，總之希望出年可以繼續再做，每年6月10號都可以送份大禮畀家駒。」
聽到世榮指明年再聚，Paul即刻附和：「正如我頭先喺台上所講，只要阿榮打電話嚟，只要我有期嘅話，點解唔做？係一件好事嚟。雖然家駒離開咗咁耐，但仍然可以籌到咁多善款。」
採訪：馬建華
攝影：陳慧安