周秀娜繼日前趁住端午節喺Instagram貼相，解放久未露面嘅D奶應節後，昨日佢再分別喺Ig同facebook貼相貼片，佢喺Ig貼咗張飲嘢相，着住黑色幼帶背心嘅佢留言話：「幾晚通宵拍攝後，慣性放假relax就病，第一天到達Maldives就喉嚨痛失聲，今日天氣轉晴，聲音也回來了，所有餐廳服務生一致送上蜂蜜薑水，非常敏感貼心！」佢仲加咗個香吻符號，證明娜姐真係好開心。不過，都唔夠張相底嗰條事業線咁吸引……
另外，佢又喺fb玩直播，以「日光浴」為題，片頭係見到佢個大頭，同藍到勁清澈嘅海水，之後就係着住橫間比堅尼嘅娜姐，被人用水照頭淋，片長30幾秒，娜姐多次用水抹面同撥髮，其實幾吸引吓！娜姐仲被淋到呱呱叫，睇個樣都淋得幾爽吓。臨尾娜姐再加咗一句：「馬爾代夫，拜！」而佢亦有上載今朝睇日出嘅相，同埋繼續晒美食。