林芊妤(Coffee)近日飛咗去峇里參加WebTVAsia嘅Asia Hot Angels比賽，一共拍攝十日，連日佢都喺微博大晒比堅尼，不過昨午喺微博貼出一張受傷相，相中見佢個腰間同背脊有多條傷痕，仲流緊血，慘慘喇!
佢就留言呻玩遊戲都搞成咁，寫道：「為甚麼又是我⋯玩遊戲不用用手指甲吧？不過今天贏了4個很污糟又難玩的games，雖然吃了很多泥但他們都說我很tough。其實⋯因為我是男人，我沒那麼容易被擊倒的，就算我全身傷也會繼續忍痛下去！hong Kong fighting！」
Coffee接受《蘋果》訪問嗰陣，佢話當時玩緊遊戲嗰陣，另一組嗰個印度女仔覺得Coffee比較strong，所以個印度女仔較心急，Coffee稱當時佢哋要捉一啲嘢：「可以我跑得快，差唔多到，佢就抓住我。」佢仲話今次呢個節目喺亞洲十二個地區，喺每個地區揀出一個女仔出嚟，介紹自己住嘅地方，個節目嚟緊9月就喺12個亞洲地區嘅網上播放，佢稱早前邀請參加，只係一心諗住去玩吓!