網絡紅人、民記鍾樹根噚日喺立法會同記者吹水期間，黨友蔣麗芸突然加入挑機，兩人你一言我一語，場面搞笑。
元秋噚日一邊叫樹根要努力，一邊奉勸佢若然參選，要先計清楚條數，同樹根講：「一陣間你要選，連私伙啲相機都要賣晒呀！集資選完之後輸咗，咁好唔抵！」樹根聽到元秋挑機，即場反問：「你拮着我啲痛處點搞呀？私伙嘢你都爆埋出嚟！」
元秋其後再向樹根提出「驚人」建議話：「（名單）排第一、第二，到時抽籤好唔好？」樹根即爆笑問:「（參選安排）你話事咩？Starry（李慧琼）叫你嚟㗎？」最後元秋話透過抽籤揀到樹根後，民記會全力支持樹根出選，理得工聯會到時選唔選到啦，樹根聽到只有苦笑，話「Ann姐（元秋）說話真係發人深省」。