今季有品牌推出這幾款大家少用的顏色，黃、藍、黑色唇膏齋睇齋搽好似會嚇親人，但今次親身試用，發現原來唔難carry！
M.A.C與Chris Chang聯乘系列的黃色唇膏，你大膽單用也不是不行，不過我會建議用它來做打亮，先搽上紅色唇膏打底，再在內唇加上黃色，可以營造立體效果。
同系列的藍色唇膏，可以用來調和紅色，令紅唇變得粉嫩。
如果鐘意夢幻色彩的話，不妨搽完紅唇後，用它來畫出唇線 ，會有漸變紫色效果。
Guerlain黑色帶閃粉的唇膏屬「小黑裙」系列，放心，搽上去不會似中毒，用上手佢的顏色似深紫色，搽上嘴會由鮮艷紅色變為酒紅色，個人覺得為紅唇更添成熟味道！
查詢：
(a)M.A.C 銅鑼灣時代廣場B225A號舖
(b)Guerlain 九龍塘又一城G42號舖
記者：黃樂雯
