憑開心少女形象於80年代為人熟識的羅明珠，上月27日因心臟病猝逝，終年47歲。昨日於北角的香港殯儀館壽山堂設靈，喪禮以佛教儀式舉行，靈堂佈置以白色為主，遺照用了黑白相片，橫匾上寫上「往生淨土」，父母及弟妹花牌分別放於靈堂左邊及中間位置，另有僧人帶領近50位弟子誦經，遺體今早9時由智德高僧封棺說法後，會移送至歌連臣角火化。
喪禮扶靈名單包括陳國鋒、蔡基智、劉國傑、鄧兆尊、袁潔瑩、陳素瑩、賴煒婷、羅思韻。作為羅明珠好姊妹，袁潔瑩昨日與其家人下午4時許便抵達靈堂，之後陸續抵達的包括黃百鳴、向華波、高志森、周美鳳等人。戴上黑眼鏡及口罩的羅母，抵達殯儀館時，全程需由兩名親友攙扶，親友更以雨傘遮擋鏡頭，不少圈中藝人，包括昔日「開心少女」羅美薇、張學友及草蜢都有送上花牌。
高志森離開時說：「有望佢一眼，好大感受，太後生，識咗30幾年。有人話佢個樣同以前唔同，但入去見到佢，好似我當年見佢15、16歲咁。」他又指羅母在靈堂內不斷流淚：「冇停過，始終白頭人送黑頭人，希望佢都注意身體，有叫佢節哀順變。」
袁潔瑩傷心不受訪
黃百鳴受訪時亦神情哀傷，他叫傳媒體諒羅明珠家人想喪禮低調及莊嚴，又表示：「當日收到佢離世消息都唔信，我即刻打畀佢但冇人聽，好愕然，佢離開之前兩星期先至同佢食飯，佢好開心，好精神，乜都講，人生無常。」
有傳羅明珠生前有服食減肥藥，黃百鳴說：「有人叫佢拍網劇，女仔出返嚟可能想狀態好番啲，但係咪身體有問題都係猜測。」他說現在據講是心臟病，但實際原因他不清楚。全程企黃百鳴身邊的袁潔瑩則傷心得不接受訪問。
採訪：張俊銘
攝影：陳順禎