近年，記者已戒食自助餐，由於熟食普遍較失色，每次食完頓感失落，寧願用同樣價錢，吃到較高質素的菜式。最近高級扒房Wooloomooloo Prime推出四道菜的假日午餐，以海鮮及牛肉為主題，周六、日提供，客人可自選兩款前菜、餐湯、主菜及甜品四道菜式。
先說前菜，共有八款選擇，記者兩人嚐了血腥瑪利伴生蠔、迷你蟹餅、迷你威靈頓牛扒及龍蝦杯，份量不算細，其中以蟹餅及威靈頓牛扒最具質素。一見餐廳有威靈頓牛扒這道英國傳統菜式，便感驚喜，由於很講工夫，現在已買少見少，在高級餐廳也要預訂才食到，這個威靈頓牛扒雖是迷你版，但內有酥皮、蘑菇茸及牛柳，酥皮不會過濕，香脆而完整，牛肉則軟腍，火候剛剛好。蟹餅則吃到蟹肉絲，香料不會蓋過蟹肉鮮味，算是拿揑得不錯。相比下龍蝦杯較為失色。緊隨的餐湯有兩款選擇，牛肉湯及龍蝦湯，龍蝦湯熬得頗杰身，不腥，甜甜的頗美味。主菜牛及海鮮各有四款菜可供選擇，記者揀了烤澳洲牛脊肉及白酒煮青口。牛脊肉叫了五成熟，稍韌，但肉汁頗多；白酒煮青口，以蒜茸等煮，頗入味，反而不錯。四款甜品當中選了蘋果金寶批及芝士拼盤，算是一餐圓滿的總結。另加$200，可以任飲餐廳的紅白酒及啤酒，邊吃邊看着開揚的維港景色，放慢節奏，假日飽吃一頓，不失為減壓良方。
每人$398，自選4道菜，包2款前菜、餐湯、主菜及甜品。另加$200，可以任飲紅白酒及啤酒。
Wooloomooloo Prime
九龍尖沙嘴彌敦道100號The ONE商場21樓
記者、攝影：何嘉茵
