【本報訊】民陣今年舉辦以「決戰689」為主題的7.1遊行，本土團體青年新政批評7.1遊行無用，表明不會參加，但當日會在沿途設攤位宣傳，引起部份民陣成員不滿。
未批准使用公民廣場
社民連主席吳文遠昨質疑，本土派若認為7.1遊行冇用，「咁喺7.1遊行旁邊派單張宣傳咪更加冇用！」
民陣昨舉行記者會交代7.1遊行安排，召集人岑子杰稱，今年除以「決戰689」為主題，還有9項民生副主題，他們已向警方申請10萬人遊行，隊伍會於下午3時在維園出發，由於行政署未批准使用公民廣場，民陣將以添華道或夏愨道作為後備終點。
吳文遠強調7.1港人一定要上街，「唔上街就真係冇用」，又指對青政擬到場宣傳香港民族感失望，「既然佢哋話遊行都冇用嘅時候，咁喺遊行旁邊派單張宣傳咪更加冇用」，又指「用民族主義嚟打最大嘅民族主義共產黨係非常反智」。岑子杰指民陣對港獨議題未有決議，但認為應思考的是一件事值不值得做，又質疑不認同民陣訴求的團體，為何要到民陣遊行設街站。
梁頌恆回應稱，相信不少港人認同梁振英下台這訴求，他亦同意需要表態，故此「唔係話遊行冇用」，只是「你做咗件80分嘅事（雨傘運動）出嚟而係唔得，我唔會呃大家話做一件40分嘅事（遊行）係會突然之間得咗」。他亦表明，不介意就擺設街站向民陣「單聲」，但對需要撥出部份籌募得來的捐款予民陣有保留。
■記者呂浩然