良禽擇木而棲，狼禽（以前港譯做蘭金），多隻爪，抓銀心切，放棄細過粒暗瘡的香港市場，放眼大中華，面子和裏子都要，抓到盡，跪地餵豬乸做貼住大媽肌膚的強國膠，無可救藥。香港人，自己藝人自己撐，自己品牌自己捧，今日該做的，是起清狼禽背後法蘭西集團的底，一個品牌都不能買！
再下來，荒謬的市場出現這樣令人引唔住笑的格局：
狼禽和L字總公司被李c煙硬食，自動對外宣佈，成功爭取做了品牌總代言人！代言金句是：黑（警）都可以美番白！爆笑指數七星。
幫港出N轉型，改名為幫港磨沙！幫港爽膚！幫港SPF！爆笑指數三星，自由行大媽以為是真．水貨，大手爆買！
環球時報發功，狙擊真普選藝人得手。得戚再下一城，做低什麼好呢？藝人sell邊度，就砌邊度！到時貝沙灣淺水灣豪宅骨牌式冧價，實呎平過土瓜灣！爆笑指數九星！蝕入肉的高官震怒，下令買起環時，老總半夜被炒，一鋪清袋！