陳百祥(阿叻)喺香港時間8號凌晨4點，擔任今屆巴西里約熱內盧奧運嘅香港火炬手代表，。根據大台節目播放阿叻於巴西福塔雷薩巿傳聖火嘅畫面，阿叻當日着住大會提供、印上「Rio 2016」嘅白色運動裝。
但成件事最詭異嘅係，無論睇番奧運官網、YouTube當日片段，定係Twitter、Instagram，或者Twitter等等嘅社交網站，全部都搵唔到阿叻嘅蹤影。黃皮膚「中國人」運送火炬，真係一cut都唔影？
唯一證明阿叻真係參與過嘅，竟然係火炬手保安隊嘅車牌，一樣係BAJ-9087。
其實阿叻傳聖火都唔係冇上到社交平台嘅，事關阿叻老婆黃杏秀呢幾日都有喺微博貼過阿叻拎住支火炬喺巴西出現嘅相。