明日（12日）48歲生日嘅公民黨議員陳家洛，噚日獲議辦職員送上意外驚喜，除咗喺立法會送上生日蛋糕，更特別喺灣仔訂咗意大利餐廳同佢慶祝，令原本諗住自己食飯行書局的家洛，都要中途折返食呢餐生日餐。
但最令家洛意外嘅係，一班議辦同事送上一幅家洛着上克羅地亞波衫嘅卡通版合照（圖）。點解係克羅地亞？家洛解釋，因為歐洲國家盃開波，一向鍾情歐洲小國嘅佢，講過話支持克羅地亞呢個小國，同事聽完記得，就將佢畫成身穿克羅地亞波衫嘞。家洛又透露，雖然鍾意睇波，但由於經常都要早起教書，唔可以通宵睇，佢啲女女就好有心，會記低邊隊贏咗，第二朝話番畀佢知，𠱁得佢相當開心。