美國有個叫Ayden嘅小粉絲，上周知道已退役嘅湖人球星拜恩（Kobe Bryant）會喺洛杉磯出席活動，仲滿心歡喜以為可以見吓偶像；佢到現場嗰陣先至發現錯過咗同拜恩見面嘅機會，佢就梗係喊到收唔到聲啦，仲話自己愛拜恩多過愛媽媽！Ayden媽媽忍唔住錄低囝囝個喊樣放上網，估唔到拜恩老婆雲妮莎睇到段片之後，覺得呢個小球迷好可愛，仲決定幫佢圓夢，安排佢同拜恩一齊打波㖭。