天時暑熱，新民黨沙田區議員林松茵最近就派傳單，呼籲人只要like佢facebook專頁，或者下載佢個電話App，就可獲贈手機用嘅迷你風扇。但有網民發現，呢款市值約十元嘅風扇，原來會導致電腦底板短路，仲試過因此整壞部iPhone，叫人千祈咪貪平使用咁話。
白鴿黨社區主任羅英翔噚日話，收到街坊投訴呢款風扇因為無遮無掩，小朋友使用時好易整親，風扇包裝亦無任何相關警告字句，真係好危險咁話。八方噚日打過電話搵林松茵回應，但截稿時未有回覆。新民黨主席葉劉淑儀就話，唔清楚該黨有議員派呢款風扇，話會去了解事件喎。