【ViuTV發圍】
牛雜妹李美琪去年參選香港小姐不入圍，卻因曾在網上撰文以爸爸賣牛雜養家為榮，感動人心！近日新一屆港姐進行招募，今年牛雜妹棄港姐，據知改玩ViuTV實況選美真人騷《美選D.n.A》，今日還會去參加首輪面試。
手臂最難瘦
據消息透露，ViuTV睇中牛雜妹的背景夠貼地，加上她之前選過港姐有話題，所以聯絡她的經理人公司尚品娛樂，而公司覺得參加真人騷節目，令大家認識真正的牛雜妹，所以就算不知會否入圍，都決定讓她一試。雖然有經理人公司撐腰，但牛雜妹都要經正常途徑填報名表及面試，憑實力才能打入比賽。
今個月才簽新公司的牛雜妹，積極減肥下，3星期已經瘦20磅，昨日問到是否參加《美選D.n.A》？她在電話說：「呢啲交番畀公司處理，我暫時唔係好方便回應，唔好意思。」問到為選美而減肥？她說：「減肥係因為我簽咗新嘅公司，有新嘅發展方向，好希望有轉變，畀大家見到體態上更加好嘅我，公司提供私人教練畀我，呢個月好快見到成績，瘦咗20磅，最明顯係個肚啦，但手臂因為本身骨骼比較大，要睇落好slim，需要更加努力。」
此外，前晚牛雜妹到銅鑼灣出席電影《非常盜2》首映，真的瘦了不少，但雙腿依然有肉地。
採訪：皓騫、張俊銘
攝影：陳俊強
