上回講到今屆港姐準佳麗之一嘅馮盈盈(Crystal)有近百萬嘅Tesla接送，又拎價值約3萬嘅Hermès GP，仲有個醫生男友！
本身喺香港大學就讀食物及營養學嘅Crystal學歷就梗係犀利啦！不過外貌同樣出眾嘅佢似乎都有做唔少model工作，喺佢嘅instagram近年都post唔少做model嘅相，又Cosplay又盛咁，身材仲好似相當唔錯！
不過正所謂「凡走過必留下痕跡」，佢個ig除咗化晒妝嘅靚相之外，再碌落啲就見到唔少佢素顏嘅舊照，輪廓同現在都冇乜分別，不過條眉就好似唔見咗咁，加上佢一頭金色漸變螢光粉紅嘅秀髮，同現在咁elegant真係天淵之別囉！