經濟轉差打工仔荷包縮水，但聖公會聖基道兒童院調查發現港人做善事無縮水喎。調查以網上問卷訪問451位市民，發現九成人過去一年有捐錢，五成市民仲定期捐。即使經濟前景唔明朗，定期捐錢嘅人有八成話唔會捐少啲，一成七仲話會加碼。
曾入住聖基道兒童院嘅蔡壠平（Peony）3年前成立獎學金，專門幫離開兒童院嘅學生讀大專，今年幫助13人，每人每年有兩萬蚊幫補學費。Peony中三離開兒童院後，俾爸爸催促養家，但自己堅持半工讀大學。陳嘉富係餐廳老闆，細個都入過兒童院，近年餐廳除幫兒童院籌錢，亦會招待小朋友食飯。二人噚日就獲兒童院頒獎讚揚。