《人民日報》引述「權威人士」，指中國經濟應是「L型」，除了想提大家「唔好做數」，還有另一個弦外之音，就是想叫大家不要沽空中國經濟（包括貨幣及股市），消滅對經濟的期望，大打「開口牌」，防止出現沽空潮，以免對正放緩的實體經濟構成額外壓力。
投行高層友人說：「正所謂冇期望就冇失望，中央經過舊年救市一役，應該學會盡量唔好同個市場硬碰硬，所以今次講明唔救市，咁大家就唔會預期再出現人為泡沬，若果冇泡沬，喜愛沽空嘅炒家就搵唔到水位沽空，咁咪唔會對經濟造成更多壓力囉。」
友人續說：「阿爺仲慌死大家唔明，再用《華爾街日報》披露人民銀行會議紀錄，講明喺今年1月4日嘅人行閉門會議，已決定煞停人幣國際化同改革，重新自訂滙價，擺明話畀海外大鱷聽，呢個場係我睇嘅，唔好再嚟玩嘢喇……之後官方當然例牌否認，但識得睇近幾個月滙價嘅，就知嗰篇嘢堅囉。」
好事還是壞事？友人笑說：「所以內地資金咪繼續走出去囉，你自己話係好事定係壞事？」
密西比