【本報訊】港大正進行畢業生議會常務委員會周年大選，網上投票今日傍晚截止。港大校友關注組派出6人出戰，推動廢除特首校監必然制。港大校友關注組召集人葉建源稱，畢業生議會代表有機會進入校務委員會，為捍衞院校自主和學術自由，今次投票很重要，呼籲校友踴躍投票。
港大畢業生議會常委會今年有8名成員換屆，有12人爭逐，港大校友關注組早前派出趙潔儀、李智明與麥東榮，聯同3名立場相近的港大校友陳和順、李啟信及崔偉恆一同出選，盼可捍衞院校自主和學術自由，及推動管治制度改革，6人政綱包括落實推動於特別會員大會中獲九成舊生支持的「廢除特首校監必然制」議案。另外6名參選人包括戴健文、兒科醫生李家仁、朱位能、關伯明、謝海成及梁玉冰。
參選人之一、1988年港大文學士畢業的麥東榮指，畢業生議會權力雖與校務委員會相距甚遠，但盼望匯聚校友意見，令港大管治做得更好。
本身不是關注組成員、1985年港大社會科學畢業的理大教授陳和順，則指參選因看見港大危機，「大學係一個自由平台，唔應該有思想、政治嘅禁區同框框，而陳文敏同李國章兩件事都反映咗自由受到影響」。
代表可影響校委會組成
另一名參選人李家仁醫生則不希望港大校內事務政治化，「唔想見到咁多爭議，如果係咁爭爭吵吵，冇人會開心，你又要學術自由，又係到嘈」。對於有參選人計劃推動廢除特首校監必然制，他說：「冇意思，特首做校監冇影響……歷史遺留落嚟嘅問題，咪由得佢囉，形式上嘅嘢，唔好再為呢啲爭吵，我哋已經嘥得太多時間。」
港大校友關注組召集人葉建源稱，畢業生議會屬大學的法定機構，可反映校友意見，強調今次投票很重要。他稱，過去一年港大發生副校長任命、李國章出任港大校務委員會主席等風波，認為大學管治要確保院校自主、避免政府干預。
他指現階段難以評估選情，但畢業生議會可選出代表參加校董會，校董會也會選出代表進入校務委員會，間接影響到校務委員會組成，呼籲校友踴躍投票。
今次選舉設網上投票及實體票，網上投票今午6時前截止；校友也可下載投票表格，在本月14日下午6時前，將已簽署的投票表格郵遞或送交港大孔慶熒樓畢業生議會秘書處。投票結果於6月23日公佈。
■記者譚靜雯