本月19日是父親節，周永恒因出軌跟趙頌茹（阿Yu）婚變，早前更因接放學嚇壞囡囡，學校險報警處理，日前他接受有線訪問解釋事件：「我見到佢高咗好多，只係行去同佢講爸爸好愛你，保母就即刻帶走佢，然後有人話我騷擾囡囡，唔通講好愛你都叫騷擾？發放消息嘅人好黑心，有人話我借新聞上位，其實我冇錢收㗎。」
雖然負面新聞不絕，但周永恒不怕女兒不認他：「就算我殺人放火，我都係佢哋爸爸，我冇對佢哋唔住，最多都係對佢哋阿媽唔住。佢哋大個會拍拖，到分手就會明白件事。」他表示只能在阿Yu的社交網睇囡囡片段：「我只係想同囡囡講爸爸好愛你哋，唔想父親節做個冇囡囡嘅爸爸。」
撰文：皓騫