近日大台重播《人在邊緣》，黎明熱潮再起，令人回憶起多首黎明經典名曲，「行近我又怕驚動你 我又怕心難死」，而馬場上，練馬師賀賢這天以行動演繹《對不起,我愛你》的上述一句。
賀賢離遠望實旗下灰馬「搵銀天皇」在機坪熱身，但又不想騷擾牠，只痴心在欄邊凝望，「遙遠張望 隨你悲喜 視線人浪中找你」。到隻馬踱完，賀賢才走過去，接住梁家俊亦來到，與賀賢一齊討論「搵銀天皇」的情況，然後家俊仔接手，策此駒往大圈拍跳彈泥閘一段，造出極快時間，擺明要全力催谷狀態。
「搵銀天皇」已報名周日(12日)四班1800米泥地，隻馬2月時曾經評54分跑過第二，家陣跌到48分新低，真係唔好睇小呀！