【人物專訪】
免費電視ViuTV總經理魯庭暉，暱稱魯暉，典型香港仔，靠自己努力入讀名校皇仁，大學一級榮譽畢業，取獎學金到英國牛津大學修讀碩士，其後輾轉到美國發展，曾加入蘋果公司任創作總監，在旁人眼中其人生可謂一帆風順。到了而立之年，他竟毅然放棄美國事業，說是為了新婚妻子及喜愛香港食物，決意回港：「講廣東話開心啲。」
記者：梁偉聰
魯暉指：「我鍾意香港多啲，生活太方便。嗰陣喺加州，亞洲嘢食得四間，仲要三間難食，真係影響緊生命㗎嘛！喺香港篤串魚蛋都開心。」
盼建立出世界級公司
不過，這可能只是表面說辭。魯暉認為，香港有條件「做到世界級嘅嘢」，「我好好彩跟到咁多好叻嘅人做嘢，係唔係應該試下集合呢啲嘢，去build一間可以貼近世界級嘅香港公司？」與其在世界級公司中任職一員，這樣滿足感更強，他笑言比起太太，「可能呢個先係真正原因」。
魯暉讀中一那年，也試過因為「女仔」及「為食」而作出人生重大決定。本身讀Band5中學的魯暉憶述，中一時有一名女同學想轉校，「為咗要同佢有共同話題，所以我都想轉校，咁大家就研究轉校，給果佢轉到聖心，但我去咗男校，緣份到此」。他笑言，這一個「追女仔」而轉校的理由不是太多人相信，所以他想出另一個理由：小學時經常到皇仁附近食雞髀，再加上學校環境好，所以轉校。
開台兩個月有讚有彈
魯暉說畢業後選擇任職廣告界，全因遇上大學教授曾錦程（KC），「揀廣告，因為老師有型」。他指印象中大部份廣告人都是揸跑車，穿着很特別，唯獨KC與眾不同：「佢好大落差，做創作好狂野，但你會以為佢係守水塘，一個勁悶嘅人，直頭係兵馬俑。我6歲都已經幽默過佢」。
魯暉大學時代於商台做過四年兼職及全職工作，期間見過幾次當時的上司俞琤。他形容俞琤「好肯畀機會人，做事果斷」。「有一次要直接向俞琤介紹條『橋』，佢冇問太多關於條『橋』，反而問我一啲個人嘢，之後就話條『橋』都得嘅，咁你去做啦。可能佢見我啱啱廿歲，畀機會我。」
至於現時的「老細」，魯暉指是向電盈（008）董事局負責，而非主席李澤楷。他指電盈很有制度，「只要做到business本質、即ViuTV多人睇、受歡迎、廣告費返到，咁無論董事局抑或任何人都會覺我好，係一個好客觀的準則。」對於開台兩個月表現，他表示外間「有讚有彈」，廣告商反應不錯，「但無論點都係兩個月啫，個牌12年㗎嘛。」會以平常心面對。