很多人用的手機都是大路牌子、大路機款，想玩個性唯有在配件上着手。最近太古城廣場就開設了全球首個即影即有手機殼Pop-up Store。自拍製作手機殼，包保唔會撞款。
記者落場試整，影相部份有如玩貼紙相，亦有派對道具可扮鬼扮馬。對準屏幕中間圓圈拍照，空間大概夠4人合照，影完相再揀選不同的相框款式。影相和設計部份可免費試玩一次，覺得滿意先畀錢製作。製作過程大概需時20分鐘，打印水準令人滿意，未見有粗粒起渣，唯現場光線一般，皮膚未算亮白。可應作iPhone 6／6 Plus／6s／6s Plus機殼。
唔想印自己個樣咁浮誇，Pop-up Store亦提供DIY設計服務，到場人士可用自己facebook、instagram和手機內的相片創作。相框款式比即影即有選擇更多，可放下一格、四格甚至十多格相片，放上一系列同主題的相片就最適合，例如BB相、情侶相、旅行相等等。對應手機包括iPhone 5／5s／6／6 Plus／6s／6s Plus和Samsung Galaxy S6系列。
除了DIY整圖，手機殼最近亦流行mix and match設計，背殼和bumper外框可以拆開自由配搭，例如Casetify的New Standard機殼，框和殼可分開或整套購買。買兩套，框和背就有四種組合，二變四，三變九，一個星期七日，天天換款都好easy。
記者：司徒港燊
攝影：陳永威
