【本報訊】最近不少成功人士，衣着方面很多時都會一式一樣，務求將所有精力集中在事業上，例如蘋果創辦人Steve Jobs及facebook創辦人朱克伯格。而魯庭暉（魯暉）就由頭到尾都是黑色，黑色外套、恤衫、西褲、皮鞋，即使在家中亦走不出黑色，「成個球證咁」。
「瞓醒邊件乾着邊件」
魯暉表示，全身黑色的衣着在近六、七年間「嚴格執行咗」，「因為真係好多其他嘢諗，越嚟越多嘢諗」。記者找遍魯暉近年的新聞照片，的確沒有一張不是全身黑色。「你禮拜六、日訪問我會好啲，我對鞋會係air force，即係白鞋」。
「我從來唔存在一個問題叫做：『諗聽日着咩衫』，瞓醒邊件乾就着邊件」。即使在家中，魯暉似乎亦走不出黑色，「屋企着短褲都係黑色，好似個球證咁」。
全身黑色令魯暉節省不少時間，就連買衫、洗衫都一樣。「我又肥啦，嚟嚟去去都係嗰幾間（買衫），都係嗰個size。有陣時出咗新款就試吓，好着咪買多件。洗衫都唔使分深淺色」。
全黑色的衣着其實除了令魯暉更專注事業外，有一點亦很重要，但他未有提及，便是黑色顯瘦。