亞視已離開我們一段時間，但大家對《魚樂無窮》應該還有印象吧？齋影魚缸有啲悶，最近就有一款潛水艇遙控攝錄機，不但可以在魚缸裏自由移動拍片影相，還有一項千奇百趣必殺技──就是在機前支架放魚糧，一邊餵魚一邊影魚，近距離第一身拍魚仔身影，可謂知魚之樂，魚樂無窮。
機身容易操作上手，不過影片質素一般，640×480解像度加3:2的畫面，和當年的《魚樂無窮》差不多。加上內置容量只有256MB，只夠拍9分鐘影片。玩係幾好玩，但就唔好期望會拍到靚片喇。
售價：$980
查詢：JC Shop
銅鑼灣世貿中心408號舖
記者：司徒港燊
攝影：楊錦文
