當港女們知道自己同正義聯盟黨創黨主席李偲嫣用埋同一個護膚品牌，taste係一模一樣時，會否覺得與有榮焉？李偲嫣噚日喺facebook力挺L'Oréal同Lancôme，話自己一直係兩個品牌嘅用家，大讚產品亦十分好，籲大家繼續支持L'Oréal呢個「良心國際品牌」。有網民話，李偲嫣咁樣表態，先至係對L'Oréal同Lancôme嘅最大公關災難。
李偲嫣話，品牌唔選擇「和傷害中國香港的藝人」合作後，一直被狙擊被騷擾，「此乃『黃屍』及『泛民邪教』行為！」又批評何韻詩為咗私利，聯同「佔中禍港人渣」到一間「一直在香港『享有盛名』的優質品牌公司去『找晦氣』」。
另一個令人驚嘆其美色嘅民建聯蔣麗芸，就話自己唔用Lancôme，但係就有用L'Oréal旗下一個M字頭嘅品牌。元秋話，自己冇特定用死一個牌子，有時就咁買一隻普通牌字用就算，不過佢認為，叫市民杯葛一個品牌效用唔大囉。