now TV女主持譚淇淇、鄧洢玲（阿旦、圖）及張嘉殷「睇得講得」，眼光當然都不容質疑，究竟那一件球衣及球星是三人的心水呢？
作為利物浦忠實球迷的阿旦就表示自己喜歡作客的英格蘭紅色球衣，她說：「我覺得呢個顏色好鮮艷，而且大熱天時都唔怕會有汗迹。」而淇淇的心水是比利時主場球衣：「我好鍾意佢側邊有螢光黃嘅線條，着上身就會成為全場焦點；而且衫領後面有面小國旗，低調得嚟又不失奢華。」嘉殷最喜歡法國的主場球衣：「我鍾意佢隻寶藍色，背面衫領位有個暗暗地嘅法國名，側邊橡筋位有黑紅色間條，襯托到成件波衫嘅顏色。」
歐國盃雲集多位靚仔球星，阿旦就表示喜歡利物浦新簽入的德國籍門將卡利奧斯，可惜他未有入選；另外除了嘉殷與普遍女球迷都喜歡的C朗之外，淇淇就有特別心水：「我覺得謝德謙唔錯，黑黑實實又靚仔又穩重，可以比得上保方（意大利門將）。」
記者：盧曉君