ViuTV早排推出《跟住矛盾去旅行》叫好又叫座，最近有線亦不甘示弱，將推出一個論政新節目，請來大班政壇名人同「對手」為今年立法會選舉做熱身，就爭議性議題同場激辯。八方聽聞其中一個重頭環節叫「自由單打」，讓各路政壇中人同對手正面交鋒，仲會落區搜集市民尖銳問題。第一集就有早排話要組黨，但至今未搞得成嘅上水鄉事委員會主席侯志強，同社民連「長毛」梁國雄，據知侯志強喺節目入面自爆，曾經諗過加入社民連！
雖然陣容鼎盛，但原來唔係個個都有得「單打」，例如人力議員慢必陳志全，就因為有線搵咗幾個嘉賓都冇人想或敢應戰，最終拍唔成，莫非政圈中人都知慢必「單打」了得，廢事畀機會佢表演？