人氣女騎師蔣嘉琦之前11連勝，經過停賽兩期後，周四(9日)強勢回歸，胯下座騎既多且惡，其中一對出自苗禮德馬房之新勝馬「多多勁驥」及「旅遊多寶」，最有機會替琦妹延續連勝紀錄。
翻查紀錄，苗禮德今季與蔣嘉琦於谷草僅合作兩次，結果悉數掄元，該兩駒正是今次有份上陣之「多多勁驥」及「旅遊多寶」，雖然贏完升班再戰，不過睇番苗廐近兩匹勝後再出馬「快寶駒」及「金友寶」，都係升班情況下連捷。
第七場三班1000米之「旅遊多寶」，上仗初配蔣嘉琦跑同程，竟然能克服12檔之劣勢，一早搶埋欄直領到底贏馬，來自南非之苗禮德部署南非馬一向鬥志特別好，相信「旅遊多寶」可一如另一匹南非廐侶「金友寶」般再下一城。
至於第五場三班1200米之「多多勁驥」，最近四戰全勝，氣勢一時無倆，等番贏馬路程谷草1200米上陣，隨時贏到你唔信。