上月中，《人民日報》引述「權威人士」（到這一刻，仍無官方消息否認國家主席習近平是權威人士的傳聞，中國特色的披露方式）指，中國經濟應是「L型」，不如早前官方所指的「U型」，或是憧憬中央會救市的「W型」，消息大大打擊內地股市。
跟一外資投行高層說起「L型」經濟言論，他指相關言論除一錘定音，預告今年中國經濟將「無運行」，及不會出手大力救經濟外，另有弦外之音，就是想高調讓所有人知道（包括官員及商人），不用再為營造經濟表現向好假象「閉門做數」。
友人說：「出嚟行，始終要還，第一季條數做到咁行，第二季點算？下半年點算？唔通仲係咁做落去？邊個有好處？好似內地零售數據咁，個個月都仲係咁升，但實情係，間間內地零售股今年頭幾個月條數都好唔得……權威人士明白紙係包唔住火嘅，所以咪打開口牌，叫大家唔好再做數囉。」
算是好事吧？友人說：「都可以咁樣講，因為唔使再有不必要嘅幻想，但股市就死晒火囉，無憧憬，邊有得炒？」原來如此。
密西比