每到夏天，喺街上逛一逛頭髮便變得油性，有瀏海的女生們更是「痛不欲生」！用乾洗髮噴霧（Dry Shampoo）的確可以解決問題，但遇上敏感隨時會掉頭髮及引起其他皮膚問題，還是小心為上。除了乾洗髮噴霧，其實我們有些隨身小物也可以暫時幫頭髮回復清爽，下次記得帶定喺身喇！
坊間流傳，用爽身粉灑在頭髮上，可以有乾洗髮噴霧效果，其實用來定妝嘅碎粉都有同樣功效。喺頭髮油性部份，逐少拍上碎粉，就可以吸走頭髮油份。
除了碎粉，不少女仔都會帶備酒精消毒液，佢都可以暫時性幫頭髮回復清爽，不過酒精有脫脂功能，對脆弱的頭皮可能會有影響，記得用的時候別太接近髮根和頭皮位置。
抗拒喺頭髮上加化學品的話，就一定要帶定橡筋喺手，油性頭髮其實更輕易紮出Half Up或Half Bun等簡易髮型，就算手殘女都能掌握！
記者：黃樂雯
