半百珍妹同潘源良經歷廿年情路，曾三離三合，以為佢哋可以再續前緣，點知昨日又再爆出第四度分手！
早前大台重播神劇《大時代》，潘源良曾被問當年珍妹係唔係好索，佢就賣口乖大讚珍妹o依家都咁索，話晒珍妹係「90年代女神」，亦係70後、80後嘅集體回憶。
李麗珍14歲出道，是拍廣告起家嘅童星，李麗珍遺傳父母印尼血統，擁有一雙靈動大眼，1983年參與黃百鳴電影《開心鬼》系列，並與袁潔瑩、陳加玲、羅美薇等人組成「開心少女組」，珍姐喺戲中已經好搶鏡，去到拍大台神劇《大時代》演方婷，珍妹更成為「可遠觀而不可褻玩」嘅清純玉女。
點知珍妹喺1993年突然「大解放」，推出兩本超激露毛寫真，晒34C上圍，成為無數港男嘅夢中情人，更拍過多套三級電影，包括接演《蜜桃成熟時》，從玉女躍升為性感女神，7年後更憑電影《千言萬語》奪得第36屆金馬獎影后。