摩連奴同前車路士隊醫伊娃庭外和解，終於可以放下心頭大石，安心做曼聯領隊！伊娃控告摩連奴同車路士性別歧視兼無理解僱，到禮拜二中午，伊娃、摩連奴同車仔代表去到法庭，據報大家達成庭外和解。日前有報道話，伊娃拒絕咗車仔開出120萬鎊（約1,350萬港元）賠償，𠵱家突然同意和解，相信車仔同摩佬開咗個更高嘅價𠱁掂伊娃。另外，傳維拉利爾中堅艾歷拜利周二下晝到達曼聯體測，可能成為摩帥上任後首簽。