只要有計、有投資者肯buy，基金cap水冇難度！美國兩名基金經理早前設局，呃一班投資者合共超過7,000萬港元，部份錢拎咗去花天酒地、吃喝玩樂。好在天網恢恢，兩名基金經理上月已被繩之於法。
美證監會指控JSG資本投資，指48歲創辦人兼總裁Jason Gill與33歲公關Javier Rios，向客戶出售Uber、Airbnb同埋阿里巴巴上市前嘅股份，實情當然係乜都冇買喇。
佢哋只係設個龐氏騙局，將新加入投資者嘅資金，派息畀舊客，夾埋騙來超過7,000萬元，二人財迷心竅，將集資所得部份轉入自己私人賬戶，攞去做夜蒲團使費，包括睇鋼管舞表演、拉斯維加斯旅行同睇波。好在天有眼，大家都要小心，咪有人話識人可以投資乜乜物物就信到十足呀。