中環在線:關則輝巡場兼食包 po上fb軟銷 - 李華華

中環在線:
關則輝巡場兼食包 po上fb軟銷 - 李華華

社交網絡威力強勁,就連Tree根最近都積極喺facebook(fb)發功,希望用自己的方式把根留住(祝佢成功),更何況係企業公關高手關則輝呢。
恒隆地產(101)集團傳訊助理董事關則輝噚日喺自己fb,上載佢同董事總經理陳南祿食漢堡包嘅相,實情係有間漢堡包店喺恒隆旗下旺角家樂坊開pop-up店,仲以財爺曾俊華曾經推銷嘅美食車作招徠,而且有一位靚女駐場,既做廚又做侍應。
Pop-up店開到本月18日,關則輝噚日食晏時間就同陳南祿,仲有一班同事一齊去捧場,順便影相po上fb軟銷一番。聽聞陳南祿食咗牛肉漢堡、芝士薯條,再加啤酒,盛惠150蚊。估唔到60歲、有肚腩嘅陳南祿都唔怕食得咁heavy。